استاد مشعل*

بیزیم استادیمیز استاد مشعل

 اولوب شعر عرصه گاهینده قَدَر یَل

یازور اشعار زیبا و مفصل

بیزیم استادیمیز کان ادبدی

علینین درگهینده منتخبدی

اولوبدی فن و رمز شعری ازبر

اولوبدی آسمان شعره اختر

اونا مشعل تخلص وردی دلبر

آدی زنده ئوزی پاینده قالدی

مدال عزتین مولادن آلدی

بیزه استاد مشعل تاج سردی

تمام علمیده صاحب نظردی

ادیب شعیه ی اثناعشردی

بیزیم استادیمیز شیرین سخندی

وجودی زینت هر انجمندی

رئوف و دلبر و اهل کرمدی

علی عشاقینه چوخ محترمدی

ئورکدن عاشق بین الحرمدی

اوصاحب شوکت و صاحب شرفدی

حقیقت پیشدی حقه طرفدی

اولوب مولا علینون سینه چاکی

گزور استادیمیز یر اوسته خاکی

اونون حق سوز دمخدن یوخدی باکی

بله استاده هر دم نوکرم من

اونا شاگردم و هم چاکرم من

یازوب نوحه ویروب دلداره سینه

بو چوخ بخشنده دی نه اهل کینه

جانی وابسته دی مولا حسینه

حسین ابن علی، دلداری اولسون

مشقت گونلرینده یاری اولسون

بیر عمری اهل بیته آغلیوبدی

حسین یاسینده قاره باغلیوبدی

قائمون هجرونده قلبین داغلیوبدی

ئوزی گلسون هرآن مسرور اولسون

علی مولائیلن محشور اولسون

بش ایل بیننان قباق بو انجمنده

یتیشدیم محضر استاده بنده

او گوندن اولموشام شاگردی منده

او گوندن عاشق اولدوم بو دبیره

قاریشدیم شاعران الغدیره

منه درس صداقت ئورگدیبدی

یازاندا شعری دقت ئورگدیبدی

صناعات و بلاغت ئورگدیبدی

وجودون شاد اولا استاد مشعل

ائوون آباد اولا استاد مشعل
 شاعر: آقای رامین جوادی

 *استاد مشعل: (استاد قدرت چوپانی استاد انجمن شعر و ادب الغدیر بهارستان تهران)